7 BONOS MOTIVOS PRO COMPORARE SU CD MEU

1) Ca as a comporare mùsica comente su frutuàriu de su massaju e su casu de su pastore… Dae su produtore (deo) a su consumadore (tue) chena intermediàrios, e pro tantu cun costos minores.

2) Ca as a contribuire a su respetu de s’ambiente: a postu de fàghere inghiriare su CD intre grossistas, distributores e bendidores a sa minuda, su CD bèndidu at a fàghere de su totu su biàgiu dae domo mea a domo tua, peri sas Postas Italianas.

3) Ca as a sustènnere sa mùsica autoproduida dae artistas chi si depent improvisare imprendidores dae su mamentu chi sas domos discogràficas no imbestint prus subra musitzistas chi sunt bessende a fora o disconnotos, francu chi non si tratet de artistas (a bortas bravos, pro caridade) bessidos dae sa telebisione, chi lis garantent profitos chena s’assumire tropos arriscos.

4) Ca no est nadu chi sa mègius mùsica aiscurtàbile colet netzessariamente peri sos mèdios de comunicatzione de massa, comente sa telebisione e sa ràdio. Antzis, sa potèntzia de custos mèdios a dolu mannu est istandardizende sos gustos de sa zente chi a bortas atzetat passivamente totu cussu chi nos benit propostu.

5) Ca cussu chi as a pagare at a contribuire a covacare a malapena sos costos sustènnidos, chi pro sas produidas minores intzidint paritzu. Depes ischire chi su dinare tuo at a andare ebbia a sos musitzistas, a s’istùdiu de registratzione e a s’azienda chi at imprentadu sos CD (in prus chi a unu baltzellu contraidu pagadu a sa SIAE).

6) Ca lu podes aiscurtare in antis… e lu comporare ebbia si ti praghet ;-)     

7) Ca "S'arte est un’imbestimentu de capitales, sa cultura un’àlibi"  Ennio Flaiano (1910-1972), iscritore italianu.

SU PRIMU CD MEU DE INÈDITOS


A pustis de un’annu de traballu mannu est bessidu su primu discu meu de inèditos dae su tìtulu “Fully alive” chi cuntenet unos cantos branos in inglesu, italianu e “iscalesu”*.

Deo so s’autora de sa parte manna de sos testos, mentres chi s’amigu mannu meu Salvatore Scala at iscritu, arrangiadu e sonadu sas mùsicas, in prus de àere cantadu parte de sos coros. Dae sos testos meos cumparint sa bisura otimìstica mea de sa vida, su disìgiu e sa boluntade de bìdere cussu chi ch’est de bonu fintzas in ue paret chi non bi siat.

Cumpletat su triu de custa bella isperièntzia s’àteru musitzista bravu meda Giuseppe Gadau, chi in prus a àere sonadu, cun professionalidade manna, at registradu e mixadu sos branos in su “Banjo Studio” suo de Tàtari.


* Su “iscalesu” est una limba singulare chi no impreat paràulas e frases dae su sinnificu cumbentzionale, imbentada e traduida in mùsica dae Salvatore Scala pro suddisfàghere sa chirca sua de sonoridades originales; est una sorta de grammelot anòmalu ca tenet sa particularidade de èssere istadu trascriidu, imbetzes de èssere torradu a imbentare borta cun borta.

AS GIAI COMPORADU SU CD MEU? T’EST PRÀGHIDU? TANDO TI CUNSÌGIO CHIMBE MANERAS ECONÒMICAS E BONAS PRO M’AGIUARE A PROMÒVERE SU CD MEU

1)Ponende sa cantone tua prefèrrida comente soneria de su tzellulare tuo.

2)Faghèndeˑlu aiscurtare in màchina cando biàgias o in domo peri una festa.

3)Donèndeˑlu a amigos e parentes in sa lòmpida de annos, Nadale, o in cale si siat àtera ocasione e, a s’abbellu, cunsigiènde custos a lu donare issos etotu a àteros.

4)Cunsigiende amigos chi tenent locales pùblicos comente restorantes, bar, pub, salones de bellesa, barveris, etz. de lu pònnere comente mùsica de sutafundu pro sos clientes.

  1. 5)Cantèndeˑlu a boghespostas in su mentres chi torras a domo a sas tres de mangianu cando non s’intendet prus nudda e totus drommint ;-D

                                                     GRÀTZIAS A TOTU CUSSOS CHI L’ANT A FÀGHERE.

Su minore e mannu testimonial meu ;-)

Torro gràtzias in prus a sos ISPONSOR sighentes chi ant contribuidu a covacare parte de sos costos de produida:

Unu GRÀTZIAS mannu mannu a Salvatore Scala (fentomadu Mister Scala) chi m’at intregadu su talentu musicale mannu suo, sa criatividade sua, s’isperièntzia sua e su tempus suo pro realizare custu CD bellu a beru. Ti cunsìgio de cunsultare su giassu www.myspace.com/misterscala in ue as a pòdere aiscurtare e comporare s’ùrtimu CD suo de su totu in “iscalesu” dae su tìtulu Ciac Ta Bum.

Sardu

CD Fully Alive!